منتديات وملتقى طلاب جامعة الامام جعفر الصادق -ع-

اهلا بالزائر الكريم شرف لنا تسجيلك في ملتقى منتديات طلاب جامعة الامام جعفر الصادق*ع (الاوقات معنا احلى)
كلمة الإدارة: السلام عليكم اعضاء منتديات جامعة الامام جعفر الصادق*ع* نتمنى لكم اطيب الاوقات في منتداكم الغالي مع فائق الاحترام والتقدير... إدارة المنتدى

    انواع الشباب الخمسه

    شاطر

    دموع
    عضو فضي
    عضو فضي

    الجنس : انثى
    تاريخ الميلاد : 04/02/1990
    العمر : 26
    عدد المساهمات : 662
    المزاج : عادي
    نقاط : 1603
    تاريخ التسجيل : 11/10/2010






    انواع الشباب الخمسه

    مُساهمة من طرف دموع في الأربعاء ديسمبر 08, 2010 10:52 pm

    انواع الشباب خمسه تعالوا معي نشوفهم

    1 - ابو لسان حلو ...



    أخونا بالله عنده مشكله , ما بعرف يحكي كلمتين ع بعض من دون ما يتغزل بالشخص اللي قدامه.. ان شاء الله البواب تبع العمارة !!! بتكون البنت ماشيه بأمر الله بالشارع.. بيصير يمشي وراها او يرمي كلام ع مسمعها.. على مبدأ ( الكلام الكي يا جارة ...) وببلش : شو الحلاوه !! امشي ع رمشي !! دخيلو الازرق ( او اي لون بتكون البنت لابسته) !!! والله يعينها اذا اضطرت تتعامل معه .. بالجامعه او الشغل او حتى السوق او أي مكان ثاني ... المسكينه بتسأل : يعطيك العافيه .. أوقية القهوة هاي بكم ؟ شوفو جوابه : يا هلا عزيزتي .. بدينار .. ولعيونك بنص.. ولا احكيلك خليها علينا يا وردة !!!!!!!! طبعاً البنت بتقرف القهوة .. وبتتطلع من المحل.. وبتصير تشرب زهورات من يوم وطالع !!!




    2 - ابو البنات


    هذا المسكين ثقته بنفسه تحت الصفر ، وعلشان يعالج هالمشكله ، بتلاقيه ما بمشي الا مع بنات.. وعين الله تحرسه وتحميه بتشوفه بالشارع ماشي مع سبع او ثمن بنات ونازلين ضحك وتنكيت سوا !!! وطبعاً دائماً هو بدفع الحساب !! والمواصلات !! وشحن التلفون للصبايا !! وعامل حاله كازانوفا زمانه.. حاط توم كروز بجيبة بنطلونه الصغيره.. وتعال افتح تلفونه.. بتلاقي كل الارقام لبنات (فيفي ، زوزو ،... الخ ) ومستحيل تلاقي اسم شب واحد !!!

    3 - ياواد ياتقيل



    يا ارض اشتدي ما عليكي قدي !!! هالأسد بكون ماشي بالشارع وحاس حاله طاير بالسما !! نافخ حاله بشكل مش طبيعي ( مع انه ما بيشيل حديد !!) ومفكر انه نص بنات الارض راكضين وراه.. وطبعاً هو ما بيمشي مع بنات.. كل اصحابه شباب !! اعوذ بالله شو يحكي مع بنت !!! ولا بسلم عليها من اساسه !!! لانه برأيه كل البنات معجبات فيه.. بتلاقيه بالشارع ماشي وبين عيونه الف وميه وهدعش (111) وبقضيها تطليعات ونظرات .. ومستحيل يضحك الا ما ندر !!!

    4 - الجنتيل مان



    وهو النوع المحبوب من كل اناث الارض .. بفتحلي باب السيارة .. وبوقفلي المصعد.. بحمل عني الاشياء الثقيله.. بوقفلي التكسي ..بقوم وبخليني اقعد مكانه بس اطلع بالباص وما يكون الي محل .. مستحيل يناديني الا انسه او مدام (حسب الحالة الاجتماعية) واذا طلبت منه شي برد حاضر ستي او ع راسي ... ولكن هذه النوع اخذ بالانقراض .. واذا ضل منه بكون مظلوم ... لانه البنت بتصير تشك انه هالشب شو بده ؟؟ وليه كثير مؤدب هيك ؟؟ وتحسباً بتبلش البيت تحلقله ع الناشف.. وتزحلقه.. فبروح هو يتحول لأحد الانواع السابقة !!!!

    5 - النيرد



    وهو شخص لا يملك ذكاء اجتماعي كافي للتخاطب مع الاخرين.. ويمتلك فقط نوعين من الذكاء ، الاكاديمي والمهني .. لا يعرف اصول التكلم مع الاناث.. واذا صار وحكت معه بنت.. تحصل اله الاعراض التاليه : التعرق، احمرار الوجه ، تحريك الايدين بشكل عشوائي، السرحان !!!! واللي بصدم بالموضوع انه البنات برتاحو يتعاملو معه .. لانهم بحسو بالامان تجاههم والثقه العمياء !!!!

    ... بالنهايه.. اكيد انه ما رح اظلم الكل واعمم كل كل الشباب.. يعني في والله شباب محترمة و عاقلة ومخها كبير وبتفهم وبيستوعب كل شي ...

      الوقت/التاريخ الآن هو الأحد ديسمبر 11, 2016 4:23 am