ابوذات صاكــــة روعة صدك متخسر شي

بحر زانخ جفن عيني ولا جف
وهذه المتعبة جدامي ولاجف

اذكرك عند المنازع ولاجف
يذب روحة ولو بيها الوطية

دنياك ياصاحبي منه سهم صابني
ولا من صديقي شفت يوم الدهر صابني
لاواني غصبا علي تحت الصخر صبني
كلهاذ ومايكتفي ولفني بحبل وكتاف
مثل حر بشبك طاح وكع بكتاف
مكرود رجل الذي مالو سند وكتاف
يزلك زلكات الذي تحت الجدم صابني

حسافه احبابي ظالم علي ولات
حكمني بحكم عاد وهبل ولات
الدنيا دار البخل والمال ولات
ولا دار الفناهه من اجت هيه

طبعك مو شجي و گتلك شجاني
اشجنيت وياك شو گلي شجاني
امس چنت انحضن ونشم شجاني
گنفذ والحضن حسره عليه
:
روحي من الصبر ملت وعدهه
على ظهورك يبو صالح وعدهه
ليالي الشوك احسبهه وعدهه
بليهب الشوك نتجوه سويه

يدهري ثبت احكامك عليدين
ازحفلك لو تناديلي عليدين
تعبك هذا وياية عليدين
يظل برگبتي حد المنية


اظن انتة محبتي ماتملها
بعدك روحي صدك ماتملها
عزى انصب لروحي ماتملها
صدك لو رحت من بين ادية

انه بحماك يا اباالحسن ماخاف
وخبرتك بحملي ثكل ما خاف
الدنيا شما تسوي وياي ما خاف
الي ايمان عندك فرج ليه

الوكت ما ينحزر زينه مراحل
مرة اشدد على روحي مراحل
كلحنة لعد ربنه مراحل
بيوم الحشر جمعته سوية


وكعت وصحت انة الك اخ اخ
تأذيت وبجيت هواي اخ اخ
حسافة تعوفني يا خوي اخ اخ
اذا بأول مصية نكتت بية


احبك واليحب روحة نحلهة
العكدة ننظربحلهة ونحلهة
اذامشكلة حبنة مانحلهة
ولك خلص صبري ودشوف صار بية

شكرا لكلماتك الروعة
تقبلي مروري العطر