--------------------------------------------------------------------------------
أجاني آوليد سميته أعلة اسم حسين
لكن شاهدت بعيونه فد حالة؟
لآن أسمة أعلة اسمك يا أبو السجاد؟
ينوح امنالزغر بعيون همالة
أحس بحركَتة من يسمع الزنجيل
يشَك اكَماط روحة ويلطم الحالة
لآن جرحك نهر يمشي اويطول الكَاع
واسمك للحزن عنوان صارالة
لبس عاشور اسود من طحت مولاي
وصفة سلوة حزن للفاكَد اعيالة
بصبرك سيدي حار وذهل يعكَوب
ونسه يوسف واخوتة وبيرة واهوالة
وصدرك سيدي ما داستة كل خيل
جنح جبريل صدرك درع صارالة
وهمان الشمر ما كَطع راس حسين
ذبح قرآن ربنا وعالرمح شالة
ياطوَك الحزن بركَاب المعزين
ياصوت الضمير ونخوة أرجالة
ياغيث وغياث وندبة المظلوم
ياحسرة كَلب يادمعة سيالة
انته بكربلة ماساومت عالدين
لآن ثقل الرسالة جتفك الشالة
انته بكربلة موقف الك يحسين
من شلت الطفل والموت يبرالة
انته بكربلة شفت الكَمر مولاي
لا عين البقت لا يسرة لا اشمالة
السعودية انتخت زاروها مليونين
ومساعدة الدول وصلتها تتوالة
وملايين التزورك كَلي راحو وين؟؟
كَبرك صار جنة وعنبر ارمالة
اسمك سيدي سيف بركَاب أعداك
كل طاغوت اجانة الاسم عادالة
حرب الجمل ردت وين داحي الباب؟
خل يعكَر جملهم هوة وانذالة
خل يعكَر جملهم هوة وانذالة
للشاعر جلال البطاط
أجاني آوليد سميته أعلة اسم حسين
لكن شاهدت بعيونه فد حالة؟
لآن أسمة أعلة اسمك يا أبو السجاد؟
ينوح امنالزغر بعيون همالة
أحس بحركَتة من يسمع الزنجيل
يشَك اكَماط روحة ويلطم الحالة
لآن جرحك نهر يمشي اويطول الكَاع
واسمك للحزن عنوان صارالة
لبس عاشور اسود من طحت مولاي
وصفة سلوة حزن للفاكَد اعيالة
بصبرك سيدي حار وذهل يعكَوب
ونسه يوسف واخوتة وبيرة واهوالة
وصدرك سيدي ما داستة كل خيل
جنح جبريل صدرك درع صارالة
وهمان الشمر ما كَطع راس حسين
ذبح قرآن ربنا وعالرمح شالة
ياطوَك الحزن بركَاب المعزين
ياصوت الضمير ونخوة أرجالة
ياغيث وغياث وندبة المظلوم
ياحسرة كَلب يادمعة سيالة
انته بكربلة ماساومت عالدين
لآن ثقل الرسالة جتفك الشالة
انته بكربلة موقف الك يحسين
من شلت الطفل والموت يبرالة
انته بكربلة شفت الكَمر مولاي
لا عين البقت لا يسرة لا اشمالة
السعودية انتخت زاروها مليونين
ومساعدة الدول وصلتها تتوالة
وملايين التزورك كَلي راحو وين؟؟
كَبرك صار جنة وعنبر ارمالة
اسمك سيدي سيف بركَاب أعداك
كل طاغوت اجانة الاسم عادالة
حرب الجمل ردت وين داحي الباب؟
خل يعكَر جملهم هوة وانذالة
خل يعكَر جملهم هوة وانذالة
للشاعر جلال البطاط