ذا گلبك يحـــــــــــبني انطيني اثبات

اذا كلبك يحـــــــــــبني انطيني اثبات
وابصمــــــــــــلك احبك اني بالعشرة
بكد بغداد احبــــــــــك وبغلاة الروح
وأنا لأجلك احب واعــــشك البصرة
يلعينــــــك جزيرة أتيـــــيه الخيـــــال
ومعـــــــــــلوم اليشوفك ينشغل فكرة
وحك رقة احساسك يارقيق أحساس
أفرح من أشوفك فرحــــــــة الزهرة
وأحزن لو غبت عني حزن عاشور
وحك شهر الصيام وحرمته وأجره
وحك حبك حبيبي وقـــسم بالرحمن
الكلب عكبك عليل ومنتهي أمـــره
ياأحلى ورد ياتــــــــرف چنك ياس
وأخذ لونه الورد منك وأخذ عطرة
من شــــــعرك يصيح الليل آه ياليل
ويخجل من عيونك ياحـــــلو فجرة
الشمس منك تغار وتستحي وتغيب
لأن انت بجمـــــالك ياحلو بهره
ولازم تستحي وطبعا أكيد تغيب
لأن ويه الشمس ماترهم الكمرة
لأن ويه الشمس ماترهم الكمرة
انتظر ردودكم الحلوةورايكم

يسلموووووووووووووووووو ولله شعر روعه

هلو دموع اي اني بلجامعة قانون مرحلة ثانية وانتي شنو قسمج ممكن نتعرف


اختي الغالية نعمت التميمي هنا منتدى الشعر وليس تعرف على الاعضاء يرجى احترام القسم واحترام المواضيع تريدين التعرف روحي برسالة خاصة او بمنتدى التعارف مو هنا اوكي اختي يرجى عدم تكرار مثل هذه الحالة تم تعديل واضافة هذا النص من قبل المراقب العام تحياتي العطرة
Heart of Ocean

عاشت الايادي شعر روووعه

شكرا على مروركم

[right] شماله وكتي علي صايرلي كله عسر
ومابيه لحظة فرح ولا بيه ريحة يسر
حملني ظيم وقهر ومن الجروح شكثر
ويناغيلي ذاك الدمع
يدليني اعله الصبر
لك ياصبر هذا اليحن؟؟؟؟
شو انت احسك جمر
علمتك انه علي وبعيني شلتك عمر
ونكرتني ولاجن ذاك انه بيدك احتظر
لتكلي كافي.....يااااصبر؟؟؟؟
قصتي طويله ويه الغدر
خليك لحظه انتظر واسمع مصايب كلب حاملهن من الصغر
ماهزني والله ابد بس مجبور انه انقهر
ليش اليوافي شخص يجازيه شخصه غدر
وليش التجر خاطر اله مامره كلبك جبر
تقبلها تزرع زرع وماينطيك مره ثمر؟
تقبلها انت شمس ويتعله فوكك بدر؟
ليغرك علو النخل والله اصله بذر
وشمازاد ظلمك الي تلكاني صامد حجر
والحجر وحده كدر يصبر بوجه السيل
والشمس مهما ضوة لابد يجيها الليل
وماراح مني ابد صابر وياي الحيل
تاكدت من فركت باقي الصبر بيه.
انتظر ردودكم وارائكم حول قصيدتي المتواظعه.

هم همي هم اهواك وهم همي جابك
مدري ابتلي ابلواي مدري بعذابك

بعد ماارجع الحظنك لو جنه يصير
واذا انت جنه الشمر تلكاني
مااريدك بعد لو اخر نفس بيه تعيش
ولا اقنع بجذبك لو مليون تهوووووواني
كل عقلك اقتنع وشيلك اسم محبوب
لك انت العدو وعزرائيل ايامي
قبل مكه ومحرم وحتى الله اسميك
هسه الشخص احسهة ثكيله بلساني
كافي ابتعد صرت انه ميت احساس
واوصيك بكل صدك تصير دفاني
وبيوم الحساب اهناك اريد الكاك
حتى كبال الله نتحاسب اني وياك
اريد اسئل واسمع من الاثنين الرد
شنهو ذنبي وعشت برحمة الاااااه
وشنهو ذنبي وليش خلاني
خلاني اتوسل ابيدك وانته كلك سجاجين
ونزرعن بروحي والنجف عنواني
لك هو هذا عشكك وهاي الوعود
وهي هاي الاحبك البيه تتلكاني
كافي مو ذاك الغشيم الجنت اصدك بيك
اربيت اعله ايدك والنعم من رباني
اربيت اعله ايدك والنعم من رباني....

اخوي نعمت التميمي هنا مكان للشعر وليس للتعارف ميصير هذا التصرف اخي شكرا لمروكم جميعا