اصدقاء الجامعة

اول يوم اطب الجامعة زين عيني ..رح تشوف كومة من الولد والبنات ولي كولهم مسوين روحهم بس همه وبس
زين عيني انت راح تجي اول ايام على اساس تختار لك منهم اصدقاء زين ابوية..
بس عود ادكول احنه كبار وكلية ماكو خيانه اهنا عيب
راح تعاملهم كولهم بالحسنى وتحجي وياهم وتسلم عليهم..وعلى اساس الخوة مشتغله ياهو لي يكوم يصيح احنه اخوان
ايباه وبالسنة الثانية من تنجحون انشاء الله وتصيرون صف ثاني راح شيشتغل اهنا؟
اسمع راح يشتغل الطعن و(هذا مو خوش بس اني دوم انصحه .وهايه كاتله نفسه على فلان وهو ما معبرهه (وااصلا هي متعرفهة)وهذا مو خوش مو من مستوانه.وهذازلغ نفسه عليه واني منطيته وجه.وهذا مصلحجي)ايبــــــــــاه والخوة لي حجو عليه بصف اول تبخرت
اي الثاني كوله ينقضي ابهل سوالف
صاروا بالثالث وبين الزين من الموزين ولي حجه لعام لسنه عفنا وويكضون السنه البنات بس ويه البنات ياخذون صور والولد هم كذالك
واجينه وصرنا بالرابع اهنا اشتغلت المصلحة الحقيقية اهنا نزلت اسماء المشاريع
وشركة الاتصالات كامت تبيع خوش كارتات
دك التليفون ...هلو حبيبتي والله مشتاقه لج موتتتتتتتتتت بس والله مدا يصيرلي مجال اسلم عليج وهي البارحه كاعدة يمه بالمحاضرة ولاعبالك تعرفه
فدوة عيني تعرفين اني وياج نفس المجموعة مال المشروع ميخالف تكملي انتي لان عندج مصادر واني ما اعرف
زين حبيبتي انتي كملي المشروع بس مو نتسين خلي اسمي
وكمل المشروع وربكم يناقشون وهمة ميتحاجون لان المصلحة انتهت
ويتخرجون واول يوم بالعطله يتبدل التليفون وتنمسح جميع الارقام ويبقون اصدقاء الدراسه مجرد بالصور...
يارب يبعدنا ويبعدكم عن هكذا علاقات..






الراي يهمني ارجوكم انطوني ارائكم بهذا الموضوع
هل انا على حق ام لا؟

شكرا لموضوعك الروعة

اكيد هذا الشئ ومنكول الكل بس الاغلبية هيج يتصرف

تحياتي العطرة

والله حركوا قلبي لان اني اتصرف وياهم بكل اخلاص على اساس اصدقاء بس شنسوي للمصلحجي