أخواني أحبائي أعضاء منتداي الغالي
اليوم صار عدنا كهوة جديدة بأحلى وأنشط قسم بالمنتدى كله
نرحب بيكم هوااي كلش هوواي
وحياكم الله
كهوتنا كلشي وكلاشي بيها
مشاريب - حارة .. باردة .. سناك .. حلويات ..
جاي عراقي ..
وطاولي .... وأراكيل ..
و بمناسبة الافتتاح وفصل الصيف الحار
نقدم لكم اركيلة الركي بالاناناس مع رشة تفاح
طبعا بكهوتنا كل المشاركات مرحب بيها
يعني كل يوم تدخل تحطلك خبر - سالفة - مثل شعبي - نكتة - صورة - تعليق - اغنية
أي شي يخطر ببالكم نسولف ندردش
قوانين الكهوة :
1- خدمة بالكهوة ماكو يعني كل عضو يشوف طلب العضو اللي قبله ويجيبله ياه كهوة عصير اي شي ..
2-ممنوع العركات والمناقشات الحادة كلش خوفا على كراسي وطاولات الكهوة من التكسير والدمار
3- ممنوع التكلم بصوت عالي قابل وين كاعدين بكهوة
4- الدفع بالفيزه كارت واللي ماعنده فيزه كارت يلة مو مشكلة على حسابي كلها
وهسة نرحب بيكم وهلا ومية هلا بيكم وبمشاركاتكم
ونرفع أول شعار للكهوة :
(زوروني كل سنة مرة حرام تنسوني بالمررة حرام)
تحياتي العطرة للجميع
ابو الكهوة
ههههههههههههههههه..
