مانسيتـــــــــك

عشت طول العمر انتضر ملكاك

وافرح لو بالحلم طيفك لمحته



ابد ما لحضه نسيتك يالرحلت بعيد

لغز تبقى لغز يصعب علي حلته



صعب اكدر اوصف لوعتي بفركاك

احس سهم الالم بضلوعي متسطره



انت اول عشك ذوبت بيك الروح

كلي شلون طيف عيونك لغيري تبعته



ويالتعرف غلاك بكلبي يملا الكون

رايد كلبي ليش بهجرك تصدعه





جنت من لحضه تبعد ترجعلي ملهوف

ابد ما حاسب منك غدر ولكلبي توجعه



شلت حزنك بكلبي وما شكيت بيوم

وجنه بروح وحده نتنفس نبضته ودكته



شلون تهون عليك ايامنه الحلوات

يالكتلي حبج بكلبي حلم عشته



صنعتك من ضوه العينين يهواي

تقبل حبيبي تنعمي عيوني والسبب انته



لتبرر وتكلي الزمن غدار ويخون

غدر كلك غدر والحقد من طينك صنعته



مو طبعي اشتكي بس حركه بالروح

خلي ايدك على كلبي بلكت تحس بجمرته



بيك اضرب مثل بالغدر سباق

وانت عالالم بالخيانه والغدر عمته