العين لو شـــافت حلم مو انته بيه
ريــت ذاك الليل عيني اعمــيهــا
ديره مــابيها رسـم وجهك اشوف
هــيج ديــــره من الوجود امحيها
مــن تمر رويحتـي اشــوغ بـــهواك
وشوغــة العاشك صعب يــخفيها
النار بيه ولعت مــن يـو زمـــان
الماي بيدك يــلا كَـــوم اطـــفيها
ورده ذابحها العطش ذبلت حرام
دور ناعــور السلف وســكَيـــهـــا
هاك ايدي تــرتجف اومت عليك
فــوك جــتفك عــــالمــتن دلــيها
الدلال البيك مــعــجون بـــحلاك
والحــلاة البـــــيك ماتنـــطيــــها
بنظره منك ارحـــــم بحال الذليل
لــروح اهــــلك والنبي اســـويها
الروح طيره ادور بــــعشك امان
حيث عشها مـــا بعـــد يــــحميها
شوك روحـــي مارد انطلكَن اديه
وصار لحضانك غصب يـــرجيها
لــــوذ بكــتار الجرح لمسة حنان
وخــزرة عيونـــــك علينه ارميها
صير لجروحي دوا صير الطبيب
واجــبك روحــــي عـــليله اشفيها
الروح عاشك لاذت بحضنك تنام
بـــصــوت هامس دردب ولوليها
لاتــكوم ابســــــاع لو نامت تريد
خــــلها تنــعس يــمك وســـــليها
كون روحي لو غفت ليلك طويل
بهــــمســه منك بالشـــعر غطيها
بــالبرد روحــي تفز ومــــــا تنام
احـــــرك جــــروف الحــلم دفيها
وخاف لو طلعت شمس عني تروح
الدنيـــا اكَــــلبها وأهـــــد عـــاليها
هـــو شباك ولزمــته اشلوت اعوف
امــخبل انته الفرصــــه ما انطيها
ريــت ذاك الليل عيني اعمــيهــا
ديره مــابيها رسـم وجهك اشوف
هــيج ديــــره من الوجود امحيها
مــن تمر رويحتـي اشــوغ بـــهواك
وشوغــة العاشك صعب يــخفيها
النار بيه ولعت مــن يـو زمـــان
الماي بيدك يــلا كَـــوم اطـــفيها
ورده ذابحها العطش ذبلت حرام
دور ناعــور السلف وســكَيـــهـــا
هاك ايدي تــرتجف اومت عليك
فــوك جــتفك عــــالمــتن دلــيها
الدلال البيك مــعــجون بـــحلاك
والحــلاة البـــــيك ماتنـــطيــــها
بنظره منك ارحـــــم بحال الذليل
لــروح اهــــلك والنبي اســـويها
الروح طيره ادور بــــعشك امان
حيث عشها مـــا بعـــد يــــحميها
شوك روحـــي مارد انطلكَن اديه
وصار لحضانك غصب يـــرجيها
لــــوذ بكــتار الجرح لمسة حنان
وخــزرة عيونـــــك علينه ارميها
صير لجروحي دوا صير الطبيب
واجــبك روحــــي عـــليله اشفيها
الروح عاشك لاذت بحضنك تنام
بـــصــوت هامس دردب ولوليها
لاتــكوم ابســــــاع لو نامت تريد
خــــلها تنــعس يــمك وســـــليها
كون روحي لو غفت ليلك طويل
بهــــمســه منك بالشـــعر غطيها
بــالبرد روحــي تفز ومــــــا تنام
احـــــرك جــــروف الحــلم دفيها
وخاف لو طلعت شمس عني تروح
الدنيـــا اكَــــلبها وأهـــــد عـــاليها
هـــو شباك ولزمــته اشلوت اعوف
امــخبل انته الفرصــــه ما انطيها