السلام عليكم ورحمة الله وبركاته
هذي لعبة شفتها في غير منتدى وحبيت انقلها لكم
واتمنى تعجبكم واتمنى من الكل ان يشارك بها
قواعد اللعبه هي
اني اكتب طلب باعتباري العمه ( الامايه مال الولد ) والعضو الي يجي
بعدي هو راح يجاوب ويمثل دور الكنه او الجنه ( زوجة الولد ) بحيث يكون
ردها مستفز الى العمه
ورده مايجاوب على طلب العمه بعدين يخلي طلب باعتباره العمه الاخرى حتى
العضو الي بعده يرد ويخلي طلب وهكذا
اني اخلي اول طلب
العمه : فدوه اقبال زوجه ابني بلكت اتلفين الكبه الظهريه فدوه ظهري يوجعني
وما اكدر الفها اريد كبه برغل وكبه تمن وكبة بتيته وكبه مال حامض شلغم
وكبه موصليه من كل نوع فد مئة فدوه ومن تخلصين نظفي مكانج مو تعوفين
الصحون والحشوه الساقطة بالارض اوكي اني راح اروح اصبغ اضافري
مو تتاخرين
هسه العضو الي بعدي راح يصير هو الكنه ويرد على طلب العمه وبعدين يخلي طلب
حتى يردون عليه وهكذا
اتمنى ان تنال اعجابكم
ودمتم بخير
ولتلعبون بطبخ اليوم لان بتي وزوجهة وجهالهة رح يجون صارلهم 3 ايام مجايينة 
زين