شاعر ميت بقلــمــــــــــــــــــي

مري بيه دموع وكحه ومري بيه ضنون
تشنقني الصبح بين الدروب
مري مسحي دموع عيني
دموع تمشي عله الخدود بلايه ثوب
مري بيه وخلي ارسمج بالخيال
السكر ما خذ صوره من طعم العسل
واشربهه يوميه الصبح ويه الشروق
مري بيه وانتي يا توئم حياتي
يلله غازلهه بجساره
ويلله انتي شويه من خجل العذاره
وخلي راسج على التراب
شوفي واحد جوه جدمج
فاتح من ضلوعه باب
وكلب متشضي بجفوفج
كضه عمره من الصغر عاشك تراب
مري بيه وصاحبي بنص الطريق
يلله مري بلا رحم دوسي عليه

العتاب
ليش ما مريتي بيه
ليش ما جيتي كبل ما تطفه بعيوني المسيه
ليش ماجيتي كبل ميخضر الشيب عله بيه
ليش ما جيتي كبل ما ينرسسم دمي عله بيتي
ليش ما جيتي كبل ما ينكتب مات بجفوفي وينكتب مات بهويتي
وليش ما جيتي ونسيتي
وليش ما جيتي
وليش يحبيبه عليه تأخريتي

وهسه جيتي شنهو نفعج من اجيتي
هوايه متأخره اجيتي
صرت بس كلمه عله ورقه
وانتي كل هايه السنين
بيش يحبيبه التهيتي
وليش ما جيتي ونسيتي
وضلي صرخي منهو يسمع
بيتي هاجر والله غاب وقافل ابواب السماء
انصمت اذان الشوارع
وانه اسمعج بيش اسمعج انه ميت ما دريتي
ذيجه اختي مفرعه تبجي بالمكابر
وذاك ابويه الحافي يركض بالشوارع
وذيجه امي التصرخ وليدي يشاعر
يمه يمه وليدي شاعر مات من كثر المشاعر
ومن اجيتي مافطنتي لقطعه سوده معلكه بابي القديم
ما فطنتي لكل بلابلنه الحزينه تعزي ابويه
تكله سبحانه رحيم
ما فطنتي لكل يتيم
وها يمحبوبه فطنتي شفتهمتيي
اي صحيح انه ميت


الوصيه
اذكريني من تسمعين توفي الحافض المرحوم
اذكريني من تمر ذكره الوفاه بموت شاعر
اذكريني بضلام اليل من يطول
اذكريني بحزن ورده ذبلهه البين لاجن خضرت من سمعت اسمج جاي
اذكريني وج خوفي لا تنسين لا تنسين
اذكريني من تسمعين قصه حافض بسواح
اذكريني من تسمعين كاطع يقره ما مرتاح
اذكريني من تشوفين كاضم ع النهر ممدود من تعوفه ليله وينتحر مسموم
اذكريني من اتسمعين اسف حبيبتي القت فات حبك وحبي بئو ذكريات
مصطفى مات مصطفى مات بعيونج خطيه وشيعته الناس للتربان
وام كلثوم صار سنين تسأل لسه فاكر البي يديلك حنان
كــــــــــــان زمان كــــــــــــان زمان

تسلم يمينك لما اسطرت اتمنالك الابداع المتواصل